-afrakstur helgarinnar-

Eftir að hafa verið óstöðvandi ferðalangur þetta árið hef ég nú eytt helginni í afslöppun þökk sé Andreu Ídu, móður hennar frú Köhler (the toothsmith) og Ástu Láru vinkonu hennar. Myndbandsgerð er frestað um eina helgi svo að ég sá mér leik á borði og lék mér með íslenskum snilldardömum.

Var einmitt að koma úr kvikmyndahúsi með Andreunni og sátum við stjarfar yfir Jude Law og Sienna Miller í "Alfie". Boðskapurinn var eins og köld vatnsgusa og ég þekki þá nokkra sem þyrftu að skella sér á myndina og fá smá vakningu.

Ég get ekki beðið eftir að koma á Klakann í stutt stopp næstu helgi til að halda uppi stuðinu í fertugsafmæli frænda míns og hlakka mikið til að hitta gott fólk. Það er nefnilega afskaplega gott í þessu fólki á Íslandi.

Ég syndgaði mikið á Portobello markaði, studdi óhemju dýraslátrun með kaupum mínum á pels (ásamt fleiru) og fæ martraðir í kjölfarið. Ég hugsa meira um hvort ég "eigi" að vera með samviskubit frekar en að vera bara með sammara. Æ,blow it! - hverjir eru efstir í fæðukeðjunni? Veddi og hans vinir.

V