-hin helgu Vé-

Ég hef ítrekað sakað félaga mína um að vera letibloggarar, skrifað ýmis ávítanir á gestabækur þeirra og alfarið útilokað slíkan gjörning á mínum kanti. Viti menn! Veddarinn gerist letibloggari. Ég hef fengið að smakka bragðið af hinni hliðinni og mér finnst hún bara ansi ljúf. Því það þýðir jú að maður sé bara að sinna sínu enn frekar og hafi meira að gera. Þar af leiðandi gefst ekki tími í óþarfa frásagnir um daginn og veginn og endalausa athyglissýki fyrir "mig og mína" á myndasíðunni. Gott og vel. Nú er ég hins vegar mætt aftur galvösk og ætla að vera með "óþarfa frásagnir um daginn og veginn...."

Siffi og Stína a.k.a. afi og amma, hafa verið hér síðan á laugardag og látið sér lynda annir okkar systra í Lundúnaborg.

Handrit er tilbúið fyrir tónlistarmyndband og er það Óli Sk. minn góði vinur sem hefur samið það og mun einnig leikstýra, Eva María (pródúser hjá "Rushes") verður pródúser og "klippari" og Val"fríður Páls" ætlar að stílisera Veddarann fram í rauðan dauðann. Munum við snæða hádegismat í dag og fara yfir loka"skedjúl" þar sem þetta hefur frestast ansi lengi.

Ég hef fengið hafragraut á morgnana síðan mín elskulega amma steig fæti á Englandið, fengið næsthæstu einkunn fyrir skólaverkefni, snætt á Dorchester eins og hefðarfrú og margt fleira.

Svo fara hátíðargestirnir í dag og annar hátíðargestur kemur í kveld. Það er einmitt mjög mikilvægur gestur. Ég hef því ákveðið að vera "Gestgjafinn" eins og hann leggur sig um helgina og dekra við góðan gest.

Hey! Kominn tími fyrir innblástursinnskot: Do not try to be all things to everyone. Be content to be yourself to yourself.

V