-ljúfa líf?-

....."hún er á lífi, krakkar!"

Æji, ég hélt bara að ég væri dáin um daginn þegar ég vaknaði allt í einu og sat þá í flugvél og vissi í alvöru ekki hvort ég væri að koma til Lundúna eða fara þaðan. Furðuleg tilfinning. Hugsaði að kannski væri þetta himnaríki. Svona uppi í háloftunum með öllum hinum sem höfðu farist úr einhvers konar taugaáfalli vegna tímaleysis og streitu. Ég var fljót að átta mig samt þegar sætisfélagar mínir báðu skýrt og skilmerkilega um Séð og Heyrt svo að flugfreyjan þurfti að fara aukaferð aftur í flugvél og ná í það. 600 kall fyrir Séð og Heyrt? Ég er á lífi. Svo sat ég þarna og las helminginn af blaðinu á eins lúmskan hátt og ég mögulega gat. Írónískt þetta líf, ekki satt?

Ó jæja, Dívutónleikum lokið. Við þjófstörtuðum jólunum í gærkveldi. Tvisvar í röð. Þvílíka törnin. Hafði lítið sem ekkert sofið og Guði sé lof fyrir góðar sminkur sem fela bauga og hárgreiðslukonur sem gera krullur í mann. Ég kom Krullanum mínum verulega á óvart en hún hefur væntanlega fengið vægt áfall við að sjá tvíbura sinn á sviðinu. Þetta var yndislegt allt saman og ég er komin í ágætis jólaskap.

Nú tekur bara næsta við. Skipuleggja tónleikana mína 28.desember í Salnum Kópavogi a.k.a. www.salurinn.is hvar hægt er að panta miða. Ég vil ítreka að þetta eru einskonar styrktartónleikar fyrir fátæka náms/listamanninn í Lundúnum auk þess sem ég mun fá mikið út úr því að sýna mínar bestu hliðar og hleypa öllum inn í heim Veddarans. Uppgötvaði nú um daginn að það veit auðvitað enginn hvað á daga mína hefur drifið og hvað í %&"#$% ég er eiginlega að gera þarna í stórborginni??? Því er ekki úr vegi að sýna fólki að þetta hefur nú eitthvað upp á sig, þetta líferni listamannsins. Fæ alltaf skrýtna tilfinningu við að segjast vera listamaður. Þetta orð hefur svona "bóhem" yfirbragð og sumir hrauna yfir þennan geira eins og atvinnumenn oft á tíðum. En ég græt það ekki enda afar sátt við þetta nám og starf mitt og er þá bara bóhem/listamaður sem semur um lífið og ástina alveg óforskömmuð. Dásamlegt alveg hreint (",)

...annars er lífið fallegt og ég er barasta skotin í strák og allt í einu finnst mér gaman að tíminn hafi liðið fljótt og árið 2005 sé að kíkja í kaffi. Þetta kemur víst og fer. Hlakka mikið til að sjá hvar ég verð næstu jól. Ef ég mætti ráða þá væri það Wembley... en ég myndi samt alveg sætta mig við Salinn,Kópavogi aftur ef til þess kæmi ! Ætli það fari ekki eftir mætingunni núna þann 28.des! (",)

Innblástursinnskot mánaðarins: Embrace life,love and live with passion.






Check this!