-annir,blótið og Belgía-

Eftir annasama viku hjá stelpunni kom Halli minn til mín á föstudaginn með Eurostar sem er snilldarferðamáti -Lest sem fer göngin og svo er maður bara komin til Belgíu á 2 og hálfum tíma og laus við allt þetta flugvallarstúss. Við sumsé gerðum okkur glaðan dag allir íslensku vinirnir ásamt útlenskum fylgifiskum og skelltum okkur a Þorrablót Íslendinga í gær. Þetta var yndisleg kvöldstund og var ég heppin að fá Ljúfinn frá Belgíu til að njóta þess með mér. Svo gengum við svo langt að leigja bara hótelherbergi eins og tíðkast nú meðal Íslendinga á þessum blótum og þar með rýmdum við aðeins til í litlu íbúðinni svo systir mín fengi að anda léttar. Því var bara "tékkað" sig inn snemma í gær og notið þess sem hótelið hafði upp á að bjóða. Sem sagt, dásamleg helgi að baki.

Ekki linnir þó gleðinni þar sem ferð minni er heitið til Belgíu að nýju á fimmtudaginn og ætla ég að vera í nokkra daga þar hjá mínum dásamlega manni. Það voru því ekki felld tár á lestarstöðinni þegar ég kvaddi hann áðan þó að það sé vissulega ávallt erfitt að horfa á eftir hnakkanum á honum (",)

Gaman saman, allt gott að frétta héðan úr stórborginni og lífið er ákaflega fallegt og gott. Fórum í bíó áðan á mynd sem heitir Hotel Rwanda. Römbuðum inn á þetta fyrir slysni og útkoman var svona líka flott. Mæli með þessari mynd. Tók vel á heilasellunum þó þreyttar væru.

Lifið heil, ekkert beil. Úúúúú....

V