-ich bin so hress-

Það er allt að gerast í heimi Veddarans og ekki er hann nú stór, vil ég halda. Nýtt lag (PLEASE heitir það) er að koma í spilun á Klakann svona til að hrista aðeins upp í liðinu. Mun þetta vera fyrsti "single" af plötunni er lítur dagsins ljós eftir áramót hér í landi Breta. Hvunær nákvæmlega er ekki staðfest en þannig er það nú. Einnig er verið að moða saman myndband við sama lag og er nú hugmyndavinna í fullum gangi. Mér til fulltyngis verður mjög gott fólk bæði íslenskt og annars lenskt er býr hér í Bretlandi og þar á meðal ætlar Valfríðurin að vera stílisti Veddarans fyrir herlegheitin svo ég ætti að vera vel spiffuð eftir meðhöndlun þeirrar góðu konu.

Ég myndi nú segja að tími væri kominn á stelpuna hvað útgáfu varðar enda búin að vera að fela mig í heil tvö ár núna. Ekki lítið af efni sem hefur safnast upp á tveimur árum. Nú er kominn tími á að koma undan feldinum og sýna hvað í sér býr. Ég mun fljúga heim komandi miðvikudag með löðrandi slagara heitan ofan í tösku og henda þessu á útvarpstöðvarnar. Fylgist spennt með folks! Allur stuðningur vel þeginn hér á bænum (",)

Bang Gang mun rokka pleisið á föstudeginum í Listasafninu kl.21.00 á Airwaves og svo verður maður bara á fleygiferð í málningagallanum tilbúin að mála bæinn rauðan og sjá hverja einustu söngspíru og trommutakt er spila vill. Vínyl er svo að spila á laugardagskveldinu og hlakka ég mikið til að sjá þá drengina og þá sérstaklega hljómborðsleikarann en hann mun vera sjúklega sjarmerandi týpa og hress á tónleikum.

V