-please-

Afsakið bloggletina elsku börnin mín. Miklar annir og ferðalög hafa yfirtekið líf Veddarans. Airwaves hátíðin var mögnuð og ber þar hæst að nefna Bang Gang (nú hva!), Sahara Hotnights, Mínus, Vinyl og Quarashi þar sem Egill "Tiny" litli frændi stóð sig með eindæmum vel. Þess má geta að Egill og Svala, hans heittelskaða, ætla að kíkja á okkur systur nú í byrjun desember og er tilhlökkunin mikil.

Ég hef varla náð andanum eftir Íslandferðina og eftir að hafa ofkeyrt mig sit ég hér uppdúðuð, hnerrandi og einkar óhugguleg. Þetta verður stelpan að hrista af sér því upptökur á myndbandi fara fram um helgina OG það er próf á morgun hjá mér. Kennarinn var svo góður að segja okkur frá því. Átti víst að skella þessu á mann með allt niðri um sig. Öss!

Ég píri kvefuð augun í glósurnar góðu en Veddarinn fékk hrós frá lærimeistara sínum fyrir vel skipulagða möppu og litríka. Þetta mun vera afleiðing þess að hafa ekki verið í skóla í tvö ár og því eru neonpennarnir notaðir óspart og hin og þessi orð um RAM í tölvum og DSLR fyrir PC í MIDI hafa öðlast nýtt líf á mínum pappírum. Einnig skal það viðurkennast að ég er kennarasleikja því að lærimeistarinn er snillingur og hefur m.a. unnið mikið með Massive Attack.

Ég þakka góðu fólki fyrir hlýjar móttökur á Klakanum. Þetta verður ógleymanleg ferð.

V