-saumastofan-

Jæja kæru landar. Nú þarf fólk að tygja sig og leggja í leiðangur til Borgarleikhúss hvar eðalsýning fer fram á litla sviðinu og kallast Saumastofan-þrjátíu árum síðar. Ég fór með fríðu föruneyti til að sjá hana Ísgerði mína og fleiri sem ég þekki af Lundúnasenunni í þessu bráðskemmtilega leikriti og verð nú bara að segja að ég er alveg lens eftir þetta. Svo var eftirpartýið ekki síðra. Ég vil óska leikhópnum og Agga leikstjóra innilega til hamingju ásamt öllum þeim sem komu að þessu. Ef fólk ætlar í leikhús á annað borð, þá þykir mér æskilegast að fara á Saumastofuna enda ekkert annað verk í gangi í dag sem hressir og kætir eins og þetta. Congratulations and celebrations!

Ég fer heim í stórborgina nú á miðvikudaginn þar sem skólinn byrjar 21. janúar og verð að segja að þetta hefur verið dýrindis stopp á móðurlandi mínu. Svo horfi ég fram á frábært ár 2005. Ætla að gera snilld í tónlist, rækta líkama og sál og útskrifast úr Music Production um miðjan júní. Svo er ég að leggja lokahönd á plan fyrir haustið. Þetta verður ævintýr.

Karen Carpenter er búin að gera sig kærkomna í höfði mér og ég hugsa að hún fari bara aldrei blessunin... og þá syngur maður "why do biiirds suddenly appear everytime you are near...?" og brosir út í eitt.

Lífið er fallegt og það er nú bara viðvarandi hugarfar hér á mínum kanti. Veit ekki með ykkur en ég ætla mér að njóta þess, gera eitthvað magnað við þetta líftetur.

V