-Easter´s in the air-

Eftir Amazon rigninguna sem dundi á með einstaka snjótörnum þess á milli er Lundúnaborg öll að koma til. Hitinn er 6 gráður á celsíus manni og það birtir til. Brátt verða tignarlegu garðar Bretlands fullir af sveittum fótboltabullum að æfa sig með tuðruna og allra þjóða kvikindum að sóla sig með i-podinn fullan af heitustu sumarsmellunum og tja, jafnvel eitt vel upplýst Glamour blað. Já, ég sé þetta gerast og get ekki beðið. Ég finn vorið í loftinu. Við systur keyptum m.a.s. eitt stykki orkídeu til að lífga upp á stofuna hjá okkur. Þetta er ekki nálægt því að eiga barn eða gæludýr en umönnunin er álíka mikil. Hún þarf sitt ljós, fóður og vökva. Allt er þetta eins í lífinu. Það þarf að huga að svona fallegum hlutum svo þeir dafni og vaxi, ekki rétt? Hmmm...

Þessi mánudagur byrjar ferlega hægt hjá mér. Bjó um rúmið,gekk frá og hengdi upp þvott. Hlustaði aftur á lagið sem ég gerði í gær í V studios (úff, elska að segja þetta, V studios V studios V studios) og þrátt fyrir að vera verulega svekkt yfir lélegri frammistöðu minni áður en ég skreið upp í rúm, þá heyrðu eyru mín bara snilld í morgun. Held að galsinn hafi tekið mig fram og til baka í lagasmíðinni. Það er svo yndislegt að gera tónlist. Ég er verulega lánsöm að geta unnið í því sem hugur og hjarta vill. Vona að sem flestir geti sagt það sama um sitt lífsviðurværi.

Jæja, nóg af "the corny stuff", ég þarf alveg að fara að endurskoða jaðarinn í blóði mér og endurheimta töffheitin.

Rokkarinn og Peter André munu dvelja hjá mér yfir páskahelgina og fæ ég að öllum líkindum páskaegg fyrir gistiaðstöðuna. Ég vildi svo endilega taka bara páskalambið á þetta og fá smá íslenska páska heim í kotið þar sem ég fer ekki heim á Klakann í bráð... en mér heyrist á stelpunum að þær vilji bara versla, fara út á lífið ... og versla??!!! Því hef ég ákveðið að kalla þær "The Chumps Who Stole Easter" eða bara "Easter Bunny Thieves -In The Night!". Ég mun greina betur frá framhaldinu og hvernig Veddarinn nær að yfirtaka þessa þjófa og hlekkja þá niður í stólana þar sem þær skulu sko ÉTA LAMBIÐ! Svo ætla ég að fela páskaeggin þeirra hér í kotinu. Það er nefnilega hefðin. Fela páskaeggin, allir leita hátt og lágt og þar fram eftir götum. Fyrst ég get ekki verið úti á Virginia Beach með föðurfjölskyldunni þar sem Aldís verður alsæl, þá skal ég sko fá mína páska, hvort sem þeim líkar betur eða verr.

Ah! Ég gleymdi að taka pillurnar mínar í morgun....

V