-vorið er komið!!!-

15 gráður á Celsíus og sólin glottir hér yfir Lundúnaborg og bara "já, þetta hélduð þið að ég gæti ekki.." En hún er komin!

Ja hérna, þetta fer bara batnandi (",)

Svo er líka miðvikudagur og þeir eru alltaf góðir. Því ætla ég að taka mér örlítið hlé frá tækjamergðinni í V studios og rölta út á High Street Ken og hitta Jamie vin minn.

Halli og félagar hans í Vínyl eru í þessum töluðu orðum að keyra frá Minneapolis til Texas þar sem þeir munu spila á tónlistarhátíð einni í Austen. Þeir lögðu af stað á mánudag frá Leifsstöð til Minneapolis. Þeir ættu að vera komnir til Texas seinnipartinn í dag. Ég bjóst nú ekki við að heyra í kauða í einhvern tíma en ljúfurinn bjallaði á prinsessuna í gær einhvers staðar á háveginum við bensínstöð úr að ég held ansi jöskuðum tíkallasíma svo að ég kvarta ekki.

Hins vegar er ég hætt að öfunda þá fyrir að vera á road trip um Bandaríkin, svona eins og maður gerði í gamla daga með mömmu,pabba og stóru sis! ó nei, ég vaknaði við þessa góðu sól og hlýju og vil hvergi annars staðar vera.... í bili (",)

Það er greinilegt að Lundúnaborg er að búa sig undir komu Rokkarans og Peter André. Nice one, London.

V