-fix you-

Gott fólk! Setjist upp í skrjóðinn ykkar eða blikkið strætóbílstjórann eða hlaupið jafnvel út í næstu plötubúð og kaupið Coldplay plötuna. Ekki reyna að hlaða henni niður á netinu eins og aular. Styðjið góða list þegar hún loksins kemur! Í sömu ferð væri æskilegt að kippa með sér Antony and The Johnsons líka. Varðandi X&Y, nýjustu plötu Coldplay þá er ég hreinlega orðlaus. Þeim hefur tekist að gera eina snilldina á eftir annarri og það er ekki annað hægt en að dást að þeim. Þessi plata er svo yndisleg ég veit ekki hvort ég eigi að hlæja eða gráta. Eitt uppáhalds lagið mitt er "Fix you". Þetta er ein fallegasta lagasmíð sem ég hef heyrt í langan tíma þar sem texti,söngur og samspil er óaðfinnanlegt! Ég fæ gæsahúð við hverja hlustun. Vekur þetta ýmsar kenndir. Ég myndi mæla með því að gera laginu góð skil með góðum hljómgræjum og jafnvel taka smá rúnt út fyrir bæinn og horfa út á sjóinn. Bara tillaga (",) Það myndi ég allavega gera ef ég væri svo lánsöm að vera á Klakanum einmitt núna.

Antony er svo einfaldlega eitthvað sem fólk verður að kynnast. Klæð-kynskiptingur og sögu hans þekkja fáir og vita varla hvaðan og hvernig hann er til kominn. Rödd hans er engri lík og platan er að mínu mati mjög kynþokkafull.

Að lokum óska ég ykkur góðs tónlistarsumars! Things are looking up ! svona í miðjunni á öllum soranum sem í boði er!!!


"lights will guide you home -and ignite your bones -and I will try... to fix you" - Coldplay

V