-it´s a mac´s world-

Þá er komið að því. Litlu PC stúdíó tölvunni minni verður kastað út í ólgandi sjó með öllu sínu pípi og argi og í staðinn kemur ný mac tölva! Mig klæjar í lófana af æsingi og get ekki beðið eftir að byrja að grúska í nýjum hugbúnaði og því sem tilheyrir. Ég hef loksins sett stefnuna á mína eigin plötu nr.2 enda nóg til af efni eftir fjögurra ára pásu ...og ætti hún að verða ansi hressandi... á mjög rólegan og yfirvegaðan hátt. Samstarfsverkefni halda þó áfram meðfram plötuvinnunni en ég get ekki logið því að mín hefur algjöran forgang. Loksins.


250 ára afmæli Mozart á næsta leyti... hér er einmitt mynd af Þolla Berg við Mozart styttu eina í Vínarborg nú síðasta sumar en þá fórum við einmitt á U2 tónleika í sömu borg í boði Veddarans. Svolítið óvænt fyrir afmæli unnustans og freeeekar mikið gaman!

Kvenmannsleysið á skerinu síðan Rakel og Bryndís hurfu af landi brott hefur ekki gert mig geðveika ennþá og Þórhallur stendur sig í stykkinu við að hafa ofan af fyrir mér. Hins vegar mun ég fá nóg af kvenleika úti í London hjá stóru systur núna eftir viku eða svo. Hlakka mikið til að njóta stórborgarinnar aftur og sinna tónlistargyðjunni í sjálfri mér.

Annars lífið gott, heimilið hlýtt og þvottur minn hreinn.

V