-Umadi Odabo - Osa - Osi!!!-

Mögnuð helgi að baki hér og vil ég þakka elsku stelpunum mínum, Rakel Sif og Andreu Idu fyrir komuna til Lundúna. Ekki verður farið út í smáatriði hér en þetta var löngu tímabært og kærkomið. Ég mun fá myndir hjá stelpunum fyrr eða síðar og þá fá allir að upplifa einhverjar eiturpródúseringar á myndformi!

Svo var ég ekki lengi að hoppa upp í Eurostar eftir að hafa kvatt stelpurnar og er hér komin til Belgíu þar sem Bergmanninn er í páskafríi og við ætlum að ferðast aðeins um nýjar slóðir. Kíkja jafnvel til Jóhönnu og Indriða í Genk og annað slíkt. Ferðin byrjar þó rólega þar sem ljúfurinn eldaði morgunmat og þjónustaði cappucino á silfurfati á meðan ég tjái mig hér á blogginu. Ég gæti alveg vanist svona þjónustu. Ég er nefnilega prinsessa.

Einnig er ég komin með nýja myndasíðu þar sem hin var farin að gefa sig. Þetta er þó ennþá í vinnslu hjá mér. Enn að henda inn myndum af góðu fólki sem mér er kært.

Lifið heil!

V