*Bryllup!!!* - við erum fullorðins....

Ástkær vinkona mín Rakel Sif mun ganga í það heilaga á morgun. Ég á enn bágt með að meðtaka þessa staðreynd en gifting er jú eitt af því sem maður sá fyrir sér þegar maður væri orðinn stór. Ég tel okkur ennþá vera sextán með hliðartagl syngjandi saman "girls just wanna have fun" í Thriller söngleiknum. S.s. litlar og vitlausar.
Það er vissulega bót í máli að maðurinn sem hún gengur að eiga er afar fýsilegur í alla staði og lukkan því yfir og allt um kring.
Rokkarinn eins og hún er jafnan kölluð, er mikill kvenkostur, gamansöm, fögur og góð vinkona; einstaklega góð vinkona.
Því segjum við hér á Veddaranum; farvel og pa gensyn mín kæra! Ég verð þarna einhvers staðar á hliðarlínunni og styð þig áfram. Þetta getur nú ekki verið erfitt. Eitt skitið "já". Svo mun ég gaula þarna ofan í mannskapinn í athöfninni og passa það grimmt að tárast ekki svo að orðin skili sér. Þollinn minn spilar inn og út brúðarmarsinn á orgelið góða og svo teljum við í rómantík fyrir krakkana með hörpuleikara og alles! Ji, hvað ég hlakka til. Þetta verður án efa meyrasta brúðkaupið að syngja í, hingað til.

V